या सेटचे चार वेगवेगळे दर्शनी भाग आहेत. स्टुडिओ – १ च्या दक्षिणेला विमानतळ, हॉटेलचे प्रवेशद्वार आहे. पश्चिमेला पोलिस चौकी आणि पोर्च आहे, उत्तरेला न्यायालयाचा इमारतीचा दर्शनी भाग आहे. पूर्वेला एक शॉपिंग कॉम्प्लेक्स आणि मोठा व्हरांडा आहे.

तळमजल्यावर मोठे मोठे हॉल आहेत. शूटींग दरम्यान सहाय्यकांना राहण्यासाठी येथे चांगली सुविधा आहे. स्टुडिओ – १ वर हॉस्पिटलसाठी चांगले लोकेशन आहे. इथेच तीन बेडरुम्स आणि बाथरुमची चांगली सोय आहे. एखादं महाविद्यालय दाखवण्य़ासाठी चांगली सोय स्टुडिओ – १ मध्ये आहे. कोल्हापूर चित्रनगरीतला (फिल्मसिटी) हा स्टुडिओ कलादिग्दर्शकाच्या कलात्मक पंखांना बळ देणारा आहे. भव्य आणि देखणी अशी ही इमारत वेगवेगळ्या सेट्ससाठी वापरली जाते.

स्टुडिओ – १ मध्ये असणाऱ्या मोठ्या हॉलमध्ये काही सेट लावून त्याचाही वापर केला जाऊ शकतो. थोडक्यात हा स्टुडिओ ऑल इन वन म्हणता येईल असा आहे. स्टुडिओ – १ हा फ्लोअर ६० X ४० फूट आकाराचा आहे.